☑️ВИРТУАЛ ХӨРӨНГИЙН БҮРТГЭЛИЙН ЖУРАМ

Виртуал хөрөнгийн биржийн бүртгэлийн шалгуур

1. Виртуал хөрөнгийн бирж нь виртуал хөрөнгийг өөрийн бүртгэлд бүртгэхдээ виртуал хөрөнгө гаргагчийн эрхэм зорилго, үнэ цэнэ, технологи, хөгжүүлэлтийн багийн ур чадвар, туршлага, виртуал хөрөнгө гаргагчийн засаглал, тайлагналын ил тод байдал, зах зээлийн эрэлт, нийлүүлэлт, харилцагч хөрөнгө оруулагчдын эрх ашгийг хамгаалсан байдлыг чухалчилна.

2. Виртуал хөрөнгө гаргагчийн эрхэм зорилго, үнэ цэнэ, нээлттэй санхүүгийн системийн шаардлага:

3. Виртуал хөрөнгө гаргагч нь дунд хугацааны бизнес төлөвлөгөөг боловсруулж, бизнесийн эрхэм зорилго, үнэ цэнийг хэнд юуг яаж гэсэн асуултад хариулсан байдлаар тодорхойлсон байх;

4. Виртуал хөрөнгө гаргагч нь Техник эдийн засгийн үндэслэл хийлгэсэн байх.

5. Виртуал хөрөнгө гаргагчийн программ хангамжид нэвтрэхэд энгийн ойлгомжтой, хөрөнгө оруулагч цахимаар болон гар утаснаас нэвтрэн орж танилцах боломжтой, төвлөрсөн бус байх.

6. Технологийн шаардлага: виртуал хөрөнгө гаргагч нь технологи, системийг хөгжүүлэгч, засаглал, системийн хүчин чадал гэсэн дөрвөн үндсэн шаардлагыг цогцоор хангана:

   1. Виртуал хөрөнгө гаргагч нь системийн кибер аюулгүй байдал, код, систем хөгжүүлэлтийн эх код, MVP/протоколтой байх;

   2. Систем хөгжүүлэлтийн багтай байх бөгөөд тус багт систем үүсгэгч, хөгжүүлэгч, инженертэй байх ба тэдгээр нь мэргэшсэн, туршлагатай байх;

   3. Consensus үйл явц, ирээдүйн системийн хөгжүүлэлтийн бодлоготой байх;

7. Систем нь ачааллыг зохицуулах, нэмэлт хүчин чадал гаргах чадамжийг тодорхойлсон төлөвлөгөө, сүлжээний үйл ажиллагааны зардал, хэрэглээ энгийн, блокчэйны төрлийг тодорхойлсон, системийн зураглал бүрэн байх;

8. Виртуал хөрөнгө гаргагчийн эрх бүхий этгээд тохиромжтой этгээд байх бөгөөд засаглал, мэдээлэл тайлагналын ил тод байдлыг хангаж ажиллах боломжтой, төлөөлөн удирдах зөвлөлтэй бол тэдгээрийн гуравны нэг нь хараат бус гишүүн байх.

9. Виртуал хөрөнгө гаргагчийн зах зээлийн үнэлгээ, хөрвөх чадварын шалгуур:

   1. Зах зээлийн үнэлгээ, хөрөнгийн хөрвөх чадварын үзүүлэлт нь тооцох боломжтой, дээрх үнэлгээг бусад хөрөнгийн зах зээлийн үнэлгээтэй харьцуулах боломжтой байх;

   2. Зах зээл үүсгэх чиглэлээр нэмж виртуал хөрөнгө гаргах, хязгаарлалтын хүрээнд гаргах боломжтой байх;

   3. Зах зээлийг өргөтгөх зорилгоор гадаад улсын болон дотоодын бүртгэлтэй виртуал хөрөнгийн биржид виртуал хөрөнгийг гаргах төлөвлөгөөтэй эсэх.

   4. Зах зээлийн эрэлтийг нэмэгдүүлэх арга хэмжээний төлөвлөгөөтэй байх бөгөөд тус төлөвлөгөөнд дараах нөхцөлийг тусгасан байна.

   5. шинээр виртуал хөрөнгийг үүсгэх, үүсгэсэн хөрөнгийг хөрөнгө оруулагчид санал болгох, мэдээллийг түгээх арга хэрэгсэл;

10. Хэрэгжүүлж байгаа төслийн талаар, системийн баг, бусад оролцогчдын талаарх мэдээлэл;

11. Сүлжээний стандарт, nodes, арилжааны гүйлгээ, гүйлгээний шимтгэл.

12. Виртуал хөрөнгө гаргагч нь виртуал хөрөнгийн биржээс гаргасан мэдээлэл тайлагналын ил тод байдлын дүрэм, журам, засаглал, техник технологийн шаардлагыг хангаж ажиллах боломжтой байх, хөрөнгө оруулагч, олон нийтийн эрх ашгийг хамгаалж ажиллах ёс зүйн дүрэм, журамтай, эрх ашгийг хамгаалах арга хэмжээний төлөвлөгөөтэй байх.

13. Виртуал хөрөнгө, түүний төсөл нь эдийн засгийн үр ашигтай, бодитой, хэрэгжихүйц эсэх;

14. Виртуал хөрөнгө гаргагч, түүний эцсийн өмчлөгч, эрх бүхий албан тушаалтан нь эдийн засгийн гэмт хэрэгт холбогдож байгаагүй, хугацаа хэтэрсэн өр зээлгүй, бизнесийн нэр хүндтэй, мэргэжлийн багтай эсэх;

15. Виртуал хөрөнгийн суурилсан блокчэйн нь бүрэн хөгжүүлэлт хийгдэж, кибер аюулгүй байдлыг хангасан эсэх;

16. Компанийн засаглал (ТУЗ-ийн хараат бус гишүүнтэй эсэх) болон Менежментийн багийн мэдээлэл (нэр хүнд, туршлага, мэргэшил);

17. Хуулийн нийцэл буюу Монгол Улсын Иргэний хууль, Эрүүгийн хууль болон бусад холбогдох хуулийг зөрчсөн эсэх талаарх мэдээлэл.

ВХҮҮ виртуал хөрөнгө гаргагчийн виртуал хөрөнгийг нийтэд санал болгох, худалдах танилцуулгад тусгах мэдээлэл

1. танилцуулга нь Монгол хэл дээр бичигдсэн байх;

2. виртуал хөрөнгийн хэрэглээ, гаргаж буй зорилго, блокчэйний төрөл;

3. виртуал хөрөнгө гаргагчийн оноосон нэр, оршин байгаа газрын шуудангийн болон холбоо барих хаяг, эрхэлж байгаа үйл ажиллагааны талаар;

4. виртуал хөрөнгө гаргагчийн хувьцаа эзэмшигч, түүний эцсийн өмчлөгчийн талаарх мэдээлэл, эзэмшиж байгаа хувьцааны тоо, хувь хэмжээ;

5. виртуал хөрөнгө гаргагчийн бүтэц, зохион байгуулалт, эрх бүхий албан тушаалтны нэр, зураг, ажлын туршлага, бусад нэмэлт мэдээлэл;

6. виртуал хөрөнгө гаргагчийн сүүлийн 1 жилийн санхүүгийн тайлан, түүний талаар аудитын байгууллагаас гаргасан дүгнэлт;

7. нийтэд санал болгох виртуал хөрөнгийн тоо хэмжээ, санал болгох үнэ;

8. татан төвлөрүүлсэн хөрөнгийн зарцуулалт, үйл ажиллагааны төлөвлөгөө;

9. виртуал хөрөнгийн хуваарилалт, тархалтын мэдээлэл;

10. виртуал хөрөнгө гаргагчийн үйл ажиллагаанд учирч болох эрсдэлийн талаарх мэдээлэл;

11. виртуал хөрөнгөнд хийсэн технологийн аудитын дүгнэлт;

12. шаардлагатай гэж үзсэн бусад мэдээлэл.

13. ВХҮҮ виртуал хөрөнгийн танилцуулга, холбогдох баримт, мэдээллийг нийтэд санал болгох, худалдах ажиллагааг зохион байгуулахаас өмнө ажлын 10 өдрийн дотор Хороонд хүргүүлнэ.

14. ВХҮҮ виртуал хөрөнгийн танилцуулга, токеномикс, үйл ажиллагааны төлөвлөгөөний хэрэгжилтэд тогтмол хяналт тавьж, эрсдэлийг бууруулах арга хэмжээг авч хэрэгжүүлнэ.

15. Дунд хугацааны бизнес төлөвлөгөө, эрсдэлийг удирдах арга хэрэгсэл, бизнесийн болон төслийн үйл ажиллагааны үр ашгийн талаар;

16. Виртуал хөрөнгийн үнийг тогтооход ашигласан аргачлал, ашигласан түүхэн болон таамаглал тоо баримтууд;

17. Виртуал хөрөнгө гаргагч болон мэргэжлийн үйлчилгээ үзүүлсэн хуулийн этгээдүүдийн хооронд үүсэж болзошгүй аливаа сонирхлын зөрчлөөс сэргийлэх талаар гаргасан мэдэгдэл;

18. Виртуал хөрөнгө гаргахтай холбоотой гаргасан зардлыг нийтээс татан төвлөрүүлсэн хөрөнгөнөөс зарцуулсан бол энэ тухай мэдээлэл.

19. Танилцуулгад тусгасан мэдээллийн үнэн зөвийг баталгаажуулахаар виртуал хөрөнгө гаргагчийн ТУЗ-ийн дарга /байхгүй бол гүйцэтгэх удирдлага/ гарын үсэг зурж, тэмдэг дарсан байх бөгөөд цахим гарын үсэг хэрэглэж болно.