P2P арилжаагаар USDT хэрхэн зарах вэ ?
Та P2P арилжаа хийхээс өмнө idax бирж дээр бүртгэлтэй байх шаардлагатай бөгөөд Бичиг баримтын баталгаажуулалт (KYC) болон аюулгүй байдлын баталгаажуулалтыг бүрэн хийсэн байх шаардлагатай. Та дээрх баталгаажуулалтыг бүрэн хийснээр өөрийн болон бусад хэрэглэглэгчдийн гүйлгээний аюулгүй байдлыг хамгаалж байна гэж ойлгож болно.
P2P арилжаагаар USDT хэрхэн зарах вэ ?
Та өөрийн виртуал хөрөнгийг idax биржийн P2P арилжаагаар шимтгэлгүй төгрөг болгон хөрвүүлэх боломжтой юм.
1. Арилжаа хийхийн тулд та бүртгэлтэй хаягаараа нэвтэрч орно.
2. Нүүр хэсэгт харагдаж байгаа P2P арилжааны мэдээлэл дээр дарахад P2P арилжааны хуудас руу үсрэх бөгөөд ЗАРАХ сонголтыг дарахад бүх USDT зарах боломжтой захиалгын мэдээлэл харагдах юм.
3. USDT худалдахын тулд захиалгын мэдээллээс өөрийн худалдах боломжтой ханш тоо хэмжээд нийцэх захиалгыг сонгон [Зарах] хэсэгт дарж орон арилжааны дэлгэрэнгүй цонхыг нээнэ.
Миний зарах дүн хэсэгт өөрийн худалдах боломжтой USDT хэмжээг оруулна эсвэл Миний хүлээн авах дүн хэсэгт өөрийн хүлээн авах төгрөгийн хэмжээг оруулна. Төлбөрийн хэрэгсэл хэсэгт төгрөг хүлээн авах банкны данс заавал байх шаардлагатай бөгөөд хэрвээ та банк нэмээгүй бол [Төлбөрийн хэрэгсэл нэмэх] хэсэгт банкны данс нэмнэ. Мэдээллийг бүрэн оруулсны дараагаар [Зарах] товчийг дарж арилжааны нууц үг оруулснаар таны зарах захиалга амжилттай үүсэх болно.
Аюулгүй байдлын үүднээс арилжааны нууц үг заавал оруулах шаардлагатай бөгөөд хэрвээ шинээр нууц үг тохируулсан, өөрчилсөн тохиолдолд 24 цагийн хугацаанд хөрөнгө зарцуулах гүйлгээ түр зогсох болохыг анхаарна уу.
Зарах захиалга үүсэний дараагаар төлбөр шилжүүлэх хугацаа явж эхлэх бөгөөд төлбөр шилжүүлэх хугацаа худалдан авагч талын тохируулсан хугацаа байна. Төлбөр шилжүүлэх хугацаанд багтаж төлбөрийг шилжүүлэх шаардлагатай бөгөөд энэ хугацаанд хөрөнгө нь idax-ийн эскроу дансанд байршина. Төлбөр төлөх данс эзэмшигчийн нэр нь idax дээр баталгаажуулсан нэртэй ижил байна.
Худалдан авагч тал нь өөрийн нэр дээрх баталгаажсан банкны данс ашиглан төлбөрийг шилжүүлэх хүртэл түр хүлээнэ үү. Энэ хугацаанд таны хөрөнгө idax-ийн эскроу дансанд байршина. Та төлбөр хүлээн авсан эсэхээ өөрийн данснаас шалгана уу.
Та төлбөр хүлээн авсан эсэхээ шалган төлбөр хүлээн авснаа баталгаажуулж [Төлбөр хүлээн авсан, хөрөнгө суллах] товчийг дарна .
Өөрийн хөрөнгийг алдахаас сэргийлж төлбөр хүлээн аваагүй байхдаа энэхүү товчийг дарахгүй байхыг анхаарна уу.
Зөвхөн Худалдан авагчийн төлбөрийн баримтад итгэж болохгүй. Заавал өөрийн дансыг шалгана уу!
Та хөрөнгөө суллахаас өмнө төлбөр таны данс руу бүрэн шилжиж орох хүртэл хүлээнэ үү!
Худалдан авагчаас өөр нэртэй гуравдагч этгээдийн дансаар төлбөр хүлээн авахаас ТАТГАЛЗ. Энэ тохиолдолд хүлээн авсан төлбөрийг буцаан шилжүүлнэ үү. Тухайн төлбөр хууль бус байх боломжтой бөгөөд та өөрийн хөрөнгийг алдах эрсдэлтэй болно.
Та "Би төлбөрөө хүлээн авсан. Төлбөр шилжүүлсэн дансны мэдээлэл таарч байгаа тул өөрийн хөрөнгө суллахыг зөвшөөрч байна" хэсгийг сонгож [Батлах ]товчийг дарсанаар таны USDT худалдан авагч талын хэтэвчинд шилжиж орно.
Хэрвээ танд захиалгын гүйлгээтэй холбоотой асуудал гарсан тохиолдолд [Гомдол гаргах] товч дээр дарж худалдагч талыг idax биржид мэдэгдэх боломжтой юм.
НӨГӨӨ ТАЛТАЙ ТОХИРОЛЦОХ: Хэрвээ танд захиалгын гүйлгээтэй холбоотой асуудал гарсан тохиолдолд харилцаж буй талтай холбогдож, хэлэлцэн тохиролцох нь хамгийн үр дүнтэй арга юм.
Last updated
